Breimstafettmedaljen

Breimstafettmedaljen vart oppretta og første gong utdelt i 1969. I statuttane for utdeling av heidersteiknet Breimstafett medaljen heiter det mellom anna. Breimstafettmedaljen er eit hedersteikn som skal tildelast til personar som aktivt og/eller administrativt har gjort ein særleg positiv innsats på og for Breimstafetten og helst også idrettslivet elles.

Heidersteiknet skal henge særs høgt, og det vil såleis berre vere eit fåtal personar som får utmerkinga. Ein skal ikkje binde utmerkinga til spesielle krav eller fastlåste normer, som tildømes eit visst tal startar i Breimstafetten, men slike personar vil naturleg nok få prioritering utan at kravet vert absolutt.

BREIMSTAFETTMEDALJEN 2025 ER TILDELT THOMAS MARDAL

Årets vinnar av Breimstafettmedaljen er ein utøvar som framleis er aktiv, og som held eit høgt nivå både nasjonalt og internasjonalt. Sjølv om han kanskje ikkje har markert seg aller mest på sjølve Breimstafetten, har han delteke ei rekkje gonger – frå han kunne springe Konglerikestafett og fram til han som 14-åring leverte stafettpinnen i leiing etter første etappe på gutestafetten.

Vinnaren har vore ein svært allsidig utøvar og dreiv fram til 18-årsalderen med både løp, hopp og kast. Han er – og har vore – ein viktig ambassadør for idretten generelt og friidretten spesielt i Gloppen og Sogn og Fjordane. Trass fleire år utanfor Gloppen og i utlandet, representerer han framleis det lokale idrettslaget, og har synt kva som er mogleg å oppnå med målretta arbeid, lokal forankring og stor innsatsvilje.

Han har teke heile 15 gull i ungdomsmeisterskapen – i både løp, hopp og kast – og har sidan vunne fleire NM-gull både som junior og senior. I tillegg har han fleire internasjonale topplasseringar.

Frå 19-årsalderen satsa han for fullt på sleggekast. Framgangen var formidabel, og som 20-åring sette han ny krinsrekord i opningsstemnet på Loggane med eit kast på 66,70 meter. Den tidlegare krinsrekorden til Ove Farsund er sidan blitt forbetra med om lag 13,5 meter.

Under OL i Paris kasta han seg til finaleplass og enda på ein sterk 11. plass. Han er den første frå Sogn og Fjordane som har delteke i friidrett under OL sidan Kjellfred Weum sprang korthekk i Mexico i 1968 – og den første som har representert ein lokal friidrettsklubb frå Sogn og Fjordane i OL.

Årets vinnar har vist at stafett ikkje berre er for dei som driv med aktivt løp, eller har som mål å bli løparar på høgt nivå. Det er fullt mogleg å delta på stafett og faktisk og seinare delta i ein OL-finale i slegge. Kanskje er det faktisk ein fordel når ein er i sleggeringen at ein har vore allsidig og på lag med andre på ein tung etappe på Breimstafetten?

Med si imponerande reise frå Breimstafetten til OL-finale har årets vinnar av Breimstafettmedaljen verkeleg sett Gloppen og Sogn og Fjordane på det internasjonale friidrettskartet.

Ein verdig og velfortent mottakar av heidersteiknet Breimstafettmedaljen med diplom er Thomas Mardal

Breimstafettmedaljen har blitt tildelt:

2025 Thomas Mardal
2024 Eivind Øygard
2023 Reidar Moldestad
2022 Bjørn Per Sårheim
2019 Olav Oddvin Egge
2018 Magnar Holvik
2017 Sparebanken Sogn og Fjordane
2016 Asbjørn Gjerde
2015 Oddfrid og Rune Osa
2014 Kjell Steinset
2013 Nils Ove Roset
2012 Roger Aa Djupvik og Morten Aa Djupvik
2011 Jostein Årdal
2010 Inge Geir Sårheim
2009 Gunnar Hole, Knut Lunde
2008 Helge Hafsås
2007 Odd-Bjørn Hjelmeset
2006 Ingemar Sårheim
2005 Jan Otto Aa
2004 Jørund Årdal
2003 Johnny Solheimsnes
2002 Kjell Øygard
2001 Gloppen Janitsjar
1999 Magnus Willumsen
1998 Reidar Knut Nyland
1997 Arnfinn Grøneng
1996 Dag Fosstvedt
1995 Olav Lyslo
1994 Odd Skrede
1993 Svein Førde
1992 Magne Tystad
1991 Dagfinn Nyhammer
1990 Arnfinn Seim
1989 Hans Førde
1988 Helge Brekke
1987 Gunnar Hauge
1986 Arnulf Aa
1985 Else Karin Systad, Olav Fjærstad
1984 Knut O. Øygard
1983 Eivind Indrebø
1982 Magntor Herstad
1981 Håkon Fimland
1980 Harald Klakegg
1979 Håkon Lundestad
1978 Berent Sandene, Brynjulf Skinlo, Håkon Rivedal
1977 Samuel J. Førde, Sverre Førde
1976 Inger Hjelmeset
1975 Markvard Vik, Jonfinn Aske
1974 Arne Erdal, Jørgen M. Holme, Dag Heggheim
1973 Albert Bruland, Olav Sande
1972 Jon Sårheim, Kåre Nes, Rasmus O. Flølo
1971 Ola T Holme, Håkon Moldestad, Jostein Røyrvik
1970 Asbjørn Hansen, Jostein Joleik, Einar Stokkebø
1969 Karl Hove, Haldor Herstad, Anton G. Skarstein, Magne Stokkebø